Der Pfarrer z`Chappu esch haut, e jonge schöne Ma, är het ned nome Ouge för si oberschti Scheff gha, är verdräit de Froue d`Ouge, der Blick schribt tagelang ond Chappu wird bekannt – Dank Sex – esch das ned chli e Schang?
Rote Lippen will ich küssen, seit der Pfarrer ond fot a, rote Lippen sind dem siebten Himmel ja so nah. Ä-är esch de ned lang z`Chappu, der neu Bischof seit: „Haut!“ In Chappu esch der Pfarrer könftig ronzelig ond aut.
Melodie: Das alte Haus von Rocky Docki
z`Gränche gets e Ufruer, denn me bouet dört es Minarett, me het diskutiert ond opponiert ond gredt ond gredt ond gredt. Om däm Stritt es Ändi z`mache het me spot i donkler Nacht, dört e Sou vergrabet ond s`Loch schnäu zue gemacht.
Der Boris Banga, dä vo Gränche, der hat schon viel erlebt. Kein Wunder, dass er zittert, kein Wunder, dass er bebt. Der Boris Banga, dä vo Gränche, esch froh, esch är ned dört, sösch hät me ehn vergrabe, wie sechs scho lang hät ghört.
Melodie: S`esch ja nor es chlises Tröumli gse
Plötzlich stoht im Neufäud hing e Tafele ganz gross. Me lest Saunaclub achtezwänzg ond frogt sech, was esch los? Esch das der Johrgang oder s`Auter, me weiss ned genau. Besch denne gse, de merksches gly ond seisch schnäu weder tschau.
Sesch för öis de gar keis Tröumli gse, denn mer hei dört nome Manne gse. Manne, wo nor wei bi Manne sy. s`Tröumli esch för öis verby.
Melodie: Oh, du goudigs Sönneli
Im Outo wott der Lori–i schnäu, der Sonneschyn go gniesse.
Är parkiert näb der Minigouf ond lyt haubnackt of si Gouf: Oh, du goudigs Sönne-eli, tue doch ganz lang schyne. Der Lori schloft ar Sonne-e i, das het schlemmi Fouge.
Nach drei Stong esch är ganz rot, för Sonnegreme eschs jetz z`spot: Oh, du goudigs Sönne-eli, tue jetz nöme schyne
Melodie: Schützenliesel
Heut ist Schützenfest in Neuendorf, alle gehen hin, alle gehen hin. Adelheid geht mit dem Brot ins Dorf, ein Geschäft liegt drin, ein Geschäft liegt drin.
Heidi geht zur Halle und verkauft dort ihre War`. Das hat s`OK nicht bewilligt und drum ist`s doch klar:
Schützenheidi - beinah hät`s gekracht. Adelheidi – der Emil hat kein Glück dir bracht, ja Schützenheidi – hast du`s nicht geglaubt, |:Brot hier zu verkaufen, wenn`s der Emil nicht erlaubt. :|
Melodie: Tante Schuggi
s`Theres goht of Bank ond wott es Gschäft go mache, s`get Sache zom Lache. s`Theres fahrt de met sim Auto of e Parkplatz, s`Theres esch im Schoss ond stiegt gli weder i.
s`Theres lot de s`Outo a ond leit der Gang i, s`macht weidli, s`wott schnäu sy. s`Theres merkt ned, as äs het verwötscht der lätz Gang, äs get mächtig Gas ond de esch`s scho passiert.
s`Theres fahrt ganz rassig i die fauschi Richtig, die Richtig esch wichtig. s`Theres fahrt de d`Stäge uf bir Bank vor Töre. Het äs woue ramme vlecht der Bankomat?
d`Polizei esch cho met Horn, s`het gli vöu Lüt gha, da dü da - da dü da. Ond d`Morau vo dere Gschicht, das esch doch ganz klar: d`Mitzubischi eigne sech ned för ne Raub.
Melodie: Von ferne sei herzlich gegrüsset.
Von ferne sei herzlich gegrü-üsset, du stilles Geländer am Bach. Der Staat unser Dorfbild versü-üsset, l: Wir danken dir tausendfach. :l
Dann kommt noch der Ze-ebrastrei-eifen, den niemand benu-utzen tuet. Wir können das gar nicht begrei-eifen. l: Mer hei ganz e gro-ossi Wuet. :l
Der Gmeinrot muess motze in Soledorn, ond risset die Schang eifach wägg. Ond bringet das Gländer ond zwar scho morn, l: uf Soledorn, das wär der Gägg. :l
Melodie: Wer soll das bezahlen?
Der Euro goht der Bach ab, der Euro esch verby. Niemer cha der Euro rette, löit`s doch eifach sy. Griecheland esch Pleite, aber Grieche si haut schlau, z`Griecheland dört wird ned gschaffet, me macht lieber blau.
d`Merkel wird`s scho richte, me stötzt Griecheland, me schickt 100 Milliarde, das esch auerhand. So goht`s emmer witer, wär esch tschoud a däm? Aui osser Griecheland – mer sy haut scho chli bläm.
Melodie: Mer Senne heis luschtig
Wotsch es Poff gseh o-om d`Hötte, de muesch zom Houzherr goh. Ladewäge ond angri Sache hets zwöi Do-otze do. Es Poff het`s holeleia - es Poff esch holeleia, es Poff het`s holeleia - es Poff esch holio.
A-am Morge-e bi-im Mäuche, a-am Tag of em Hof, we-erd gmoore-et o-ond gschlarget, dä-ä esch doch chli doof. Es Poff het`s holeleia - es Poff esch holeleia, es Poff het`s holeleia - es Poff esch holio.
Ond e Trakto-or ond es Töffli ond e mageri Chue, da-as get mer de-er Houzherr, wenn-e hürote tue. Es Poff het`s holeleia - es Poff esch holeleia, es Poff het`s holeleia - René – das esch e Schang.
Melodie: Sebe chogelrondi Söi
Einisch louft e Sou s`Dorf ab – im Urs Büttiker esch si-i ab. s`Söuli tuet chli gronze, s`Söuli tuet chli schmatze ond bim Block im Rase chratze.
Oh je, oh je, oh je, nei - oh je, oh je, oh je, nei.
Jetz chonnt`s Lorli schön in Fahrt, äs het scho der Bäse parad. z`letscht sis sebe Lüt, wo öises Söuli jage, gschieder dech mes doch ihage. Aber, aber, aber, au - aber, aber, aber, au.
Sebe Bäse, dasch chli bös, mache s`Söuli totau närvös. Äs sprengt drom ganz monter im Rase umenanger, ond de Lüt wird`s emmer banger. Jö das arme Söuli jö - jö das arme Söuli jö.
M - zä, m – zä, m – zä, mmm / m – zä, m – zä, m – zä-ä
Melodie: Es lyt es Städtli wonderhöbsch
Der Bischof zieht is Stöckli y - das fröit öis aui sehr, das het`s no gar nie ge, es esch es Wonder gscheh. “Mach wyter so, wie vorhär scho – vöu Chraft“, das wönsche mer, os der chas spöter de no öpis ge. Velecht werdsch du aus Bischof de – wär weiss, das chönnt jo sy, der Nachfouger vom Benedikt, das esch bestimmt scho gly. Di Wausproch wär:“Wos gmüetlech goht, do be ni ou derby“, das wird emmer, emmer, emmer so sy.
Melodie: Junge, komm bald wieder, bald wieder nach Haus
s`Idi - het e Chatz kouft för sehr sehr vöu Gäud. Leo - heisst dä gross Star vom Ro-oggefäud. Äs macht sech Sorge, Sorge om de, du besch scho lang fort, wo besch au he?
Junge - chom gli weder, gli weder zo mer, Junge - e ha fescht Angscht, denn du fäusch mer sehr.
E weiss no, wie die Täg met der si gse, gosch z`Nacht ganz heimlech wägg, das tuet so weh. Als ich erwachte, sah ich dich nicht mehr. Ich rief:“Leo, ach komm doch bitte wieder her!“
Junge - komm bald wieder, bald wieder nach Haus. Junge - geh nie wieder, nie wieder hinaus!
Plötzlech miauet`s of eme Dach, d`Füürwehr rockt us de, dasch au e Sach. Eine - stiegt of s`Dach ue met Müeh ond met Ach. Ond wo - du dä Ma gsesch, sprengsch du grad vom Dach.
Junge - geh nie wieder, nie wieder hinaus, Junge - bleib für immer, für immer im Haus.
Melodie: Aprite le porte
Aprite le porte, der Silvio - der Silvio, het z`Rom ong bunga gmacht, bunga bun-ga bunga gmacht. Är het so heissi Nächt, la banda, la banda. Är fengt, dasch secher rächt, dasch granda, dasch granda, är esch, was der Nero esch, e Schandio, e Schandio, sesch fertig met bunga jetz – la banda di Silvio. d`Merkel esch froh - d`Merkel esch froh, d`Angela Merkel esch bestemmt de ned eso. Sesch ehre rächt - sesch ehre rächt, denn met der Merkel funktioniert Bunga ganz schlächt. ___________________________________________________________________________-
Euai Fasnacht 2012:
Samstag, 15. Februar 2012 Seniorenfasnacht, Restaurant Kreuz in Neuendorf
Montag, 20. Februar 2012 Beizenfasnacht in Neuendorf, ab 20.00 Uhr Restaurant Ochsen, Kreuz, Hardeck und Cafe Werd
Dienstag, 21. Februar 2012 20.30 Uhr Fasnachtsparty Gunzgen
